बुखँ

हनोइ, १९ अक्टोबर २०२५ —द स्ट्यान्डर्ड चार्टर्ड हेरिटेज म्याराथन हनोईया रणनीतिक प्रविधि साझेदार व विशेष गियर प्रायोजकया रुपय् एक्सटेप २०२५ अक्टोबर १९ य् जूगु एससीएचएम एक्स-रन क्याम्पया औपचारिक उलेज्यायात गर्वपूर्वक समर्थन याःगु खः ।एक्सटेप व स्ट्यान्डर्ड चार्टर्डया सह–आयोजनाय् जूगु थुगु शिविर सुथय् ५ बजे होआङ माई रंगशालाय् न्ह्याःगु खः ।

सिंगापुर, २० सेप्टेम्बर २०२५ – चिनियाँ अग्रणी प्रदर्शन खेलकुद वसः ब्राण्ड एक्सटेपं सिंगापुरया कल्लाङ वेभ मलय् एसियाय् न्हापांगु रनिंग क्लब स्टोर चायेकूगु दु । छगू सामान्य खुद्रा आउटलेट स्वयां अप्वः न्हूगु स्टोरं उच्च प्रदर्शनया रनिंग गियर व सामुदायिक थाय्यात छथाय् हयाः स्थानीय धावकतय्गु निंतिं छगू केन्द्र दयेकी, गुकी इमर्सिभ डिस्प्ले व मल्टि-क्याटेगोरी प्रिजेन्टेशनया सुविधा दु गुकिं रनिंग उत्पादनया पूर्ण श्रृंखला बी । थुकिलि पेशेवर धावकतेगु निंतिं समर्पित सेवा नं बियातःगु दु, गुकिलि म्याराथन ज्याझ्वः, प्रशिक्षण शिविर, कोचिंग सेसन, व पेसर ज्याझ्वः नं ला। “व्यावसायिक धावकतय्सं जन धावकतय्त प्रभावित याइ” धइगु रणनीतिं निर्देशित जुयाः एक्सटेपं उत्पादन उत्कृष्टता प्रमाणित यायेत ग्वाहालि याइपिं प्रतिस्पर्धी सम्भ्रान्त धावकतय्गु लिसें शुरुवात याइपिं व धावकया शौखिन निम्हेसितं सेवा यायेगु आज्जु तःगु दु ।

अग्रणी पेशागत खेलकुद वसः ब्राण्ड एक्सटेपं १७ अगस्टय् मलेसियाया पेनाङय् सामूहिक सहभागिता दुगु "१०किमि टाइम ट्रायल" रेसया ग्वसाः ग्वःगु खः, गुकी हे योङं ३४ः२९ या ई कयाः एलिट विधाय् त्याकूगु दाबी याःगु खःसा आङ ची यियाङं ३९ः३८ या ई बियाः मास विधाय् त्याकूगु खः ।

चिनियाँ अग्रणी प्रदर्शन खेलकुद वसः ब्राण्ड एक्सटेपं थःगु उद्घाटन ग्लोबल एलिट रनर प्रोग्रामया निंतिं आवेदन जुलाई १४ तारिखं बन्द जुइगु घोषणा याःगु दुसा थुगु ज्याझ्वःया न्हापांगु संस्करण सेप्टेम्बर १४ तारिखय् चीनया शेनयाङ म्याराथनय् न्ह्याइगु जूगु दुसा थुकी विश्वन्यंकंया एलिट धावकतय्त प्रिमियर म्याराथनय् विशेष पहुँच बीगु जूगु दु ।

जुन २० निसें २६ तक एक्सटेपं फुजियान प्रान्तया जिन्जियाङय् थःगु क्यू १ २०२६ प्रोडक्ट प्रिभ्यूया ग्वसाः ग्वःगु खःसा थुकी ६ गू मू विधाय् न्हूगु खेलकुदया वसःया पोर्टफोलियो न्ह्यब्वःगु खः : रनिंग, ट्रेनिङ, आउटडोर, बास्केटबल, लाइफस्टाइल, व फेसन । थुगु प्रस्तुतिं एथलेटिक व न्हिथंया वसः निगुलिंया निंतिं बहुमुखी प्रदर्शन व स्टाइल समाधान बीगुलिइ एक्सटेपया निरन्तर ध्यान केन्द्रित याःगु दु ।