आपूर्ति श्रृंखला ब्यवस्थापन

जिमिगु दिगोपनया कुतःयात ब्यापक आपूर्ति श्रृंखलाय् थ्यंकेत पुचलं संकल्प याःगु दु । जिमिसं व्यापक वितरण संजाल दुगु अग्रणी पेशेवर खेलकुद ब्राण्डया रुपय् थःगु प्रभाव छ्यलाच्वनागु दुसा आपूर्तिकर्तातय्गु दिगो व्यावसायिक अभ्यासयात प्रवद्र्धन यायेत थःगु क्रयशक्तिया उपयोग यानाच्वनागु दु । सम्भावित व विद्यमान आपूर्तिकर्तातय्गु समूहया मूल्यांकनय् ईएसजी सम्बन्धी मापदण्डयात एकीकृत यानाः जिमिसं आपूर्ति श्रृंखला साझेदारतय्सं जिमिगु दिगोपनया आवश्यकता पूवंकीगु सुनिश्चित यानाच्वना । अप्वः विवरणया निंतिं क्वय् बियातःगु जिमिगु आपूर्तिकर्ता कर्पोरेट सामाजिक जिम्मेवारी ब्यवस्थापन म्यानुअल स्वयादिसँ ।

उत्पादनया गुणस्तर व सुरक्षायात कयाः सरोकारवालातय्गु चिउताःयात सम्बोधन यायेत समूहं नियमित अनुगमन व आपूर्तिकर्ताया ज्याया मूल्यांकन लिसेंया थीथी उत्पादन गुणस्तर नियन्त्रणया उपाय लागू याइ । थीथी पहलं निरन्तर, उच्च गुणस्तरया उत्पादन उत्पादन जुइगु सुनिश्चित याइ व तःधंगु स्तरय् रिकालया जोखिम म्हो याइ ।

छगू अग्रणी कासा ब्राण्डया रुपय्, जिपिं जिमिगु आपूर्ति श्रृंखलाय् जिमिगु दिगोपनया कुतःयात विस्तार यायेत समर्पित जुयाच्वना । जिमिगु बजारया नेतृत्व व क्रय शक्तिया लिभरेज यानाः जिमिसं आपूर्तिकर्तातय् त दिगो अभ्यासयात नालेत प्रोत्साहन यानाच्वना । आपूर्तिकर्तातय्सं झीगु दिगोपनया आवश्यकतालिसे मिले जुइगु सुनिश्चित यायेत झीसं सम्भावित व आःया आपूर्तिकर्ता निगुलिंया निंतिं झीगु आपूर्तिकर्ता मूल्यांकनय् ईएसजी मापदण्डयात एकीकृत यानागु दु ।

सन् २०२३ या मे महिनाय् समूहं थःगु महत्वपूर्ण व्यवसायिक साझेदारलिसे दिगोपनयात बांलाक प्राप्त यायेत चीनया सीएसआर ड्यू डिलिजेन्स मार्गदर्शन व उद्योगया सम्बन्धित आवश्यकता कथं आपूर्तिकर्ता कर्पोरेट सामाजिक जिम्मेवारी व्यवस्थापन म्यानुअल अपडेट याःगु खः । म्यानुअल आः एक्सटेप वेबसाइटय् दु ।

जिमिगु उत्पादन जिमिगु आपूर्तिकर्तातय्सं बियाच्वंगु सामग्रीइ यक्व निर्भर जुइ, गुपिंपाखें जिमिसं जिमिगु उत्पादनया अप्वः घटक स्रोत कायेगु यानाच्वना । २०२३ तक, जिमिगु लाकांया ६९% व जिमिगु वसः दयेकेगु ८९% आउटसोर्सय् लाःगु खः । थ्व समूहं विश्वव्यापी रुपं ५७३ म्ह आपूर्तिकर्तालिसे स्वापू तयाच्वंगु दु, गुकी ५६९ म्ह मुख्यभूमि चीनय् व ४ म्ह विदेशय् दु ।

जिमिगु आपूर्ति आधारयात बांलाक थुइकेत जिमिसं जिमिगु आपूर्तिकर्तातय् त थीथी तहलय् ब्वथला । झीगु आपूर्ति श्रृंखलाय् जोखिम व्यवस्थापनयात बल्लाकेत थुगुसी टियर २ या दायरा व्यापक यानाः कच्चा माल प्रदायकयात टियर ३ कथं दुथ्याकाः आपूर्तिकर्ता वर्गीकरणया परिभाषायात परिष्कृत यानागु दु ।दँया अन्त्यतक झीके १५० म्ह टियर १ आपूर्तिकर्ता व ४२३ म्ह टियर २ आपूर्तिकर्ता दु । न्ह्यःने वनेबलय् टियर ३ आपूर्तिकर्तालिसेया सम्बन्धय् सुधार यायेगु छगू केन्द्रित जुयाच्वंगु दु, छाय्धाःसा झीसं दिगो संचालनयात अनुकूलित यायेगु कुतः यानाच्वनागु दु ।

झीगु आपूर्ति श्रृंखला संजालय् थीथी वातावरणीय व सामाजिक जोखिम दुथ्याः, अले झीसं अज्याःगु जोखिमयात म्हो यायेत व्यापक, निष्पक्ष व पारदर्शी खरिद प्रक्रिया न्ह्याकाच्वना । आपूर्तिकर्ता व्यवस्थापन केन्द्र व थीथी ब्राण्डया समर्पित पुचलं उच्च प्रदर्शन सुनिश्चित यायेत आपूर्तिकर्तालिसे मिले जुयाः ज्या याइ । जिमिसं सकल आपूर्तिकर्ता, व्यापारिक साझेदार, व सहयोगीपिन्त वातावरणीय, सामाजिक, व नैतिक व्यावसायिक अभ्यासया मापदण्ड कायम यायेत प्रोत्साहित यानाच्वना गुगु समूहया आवश्यकतालिसे मिले जुइ । थ्व फुक्क आवश्यकतायात झीगु आपूर्तिकर्ता आचारसंहिता व आपूर्तिकर्ता व्यवस्थापन म्यानुअलय् क्यनातःगु दु, अले झीगु सहकार्यया दथुइ झीगु साझेदारतय्सं थुकियात पालना याइगु अपेक्षा यानाच्वना ।

जिमिसं आपूर्तिकर्ता व्यवस्थापन केन्द्र (एसएमसी)पाखें याःगु प्रारम्भिक योग्यता व पालना समीक्षाया माध्यमं सकल सम्भावित आपूर्तिकर्तातय्त कडा रुपं जाँच यानाच्वना, अले थ्व प्रारम्भिक जाँच पास याइपिं आपूर्तिकर्तातय्त जिमिगु आपूर्ति श्रृंखला विकास, गुणस्तर नियन्त्रण, व संचालन विभागपाखें आन्तरिक लेखापरीक्षकया रुपय् योग्य कर्मचारीतय्सं अन-साइट लेखापरीक्षणया अधीनय् तइ । थ्व स्थलगत निरीक्षण जूता व वसः, सहायक व प्याकेजिङ सामग्री, तयार सामान उत्पादन, अर्धनिर्मित सामान उत्पादनया निंतिं कच्चा माल उपलब्ध याकीपिं लिसेंया आपूर्तिकर्तातय्त लागू जुइ । जिमिगु आपूर्तिकर्ता आचारसंहिताया माध्यमं आपूर्तिकर्तायात प्रासंगिक आवश्यकताया जानकारी ब्यूगु दु ।

सन् २०२३ य् जिमिसं सामाजिक जिम्मेवारीया आवश्यकता पूवंके मफुपिं आपूर्तिकर्तातय्त स्क्रिन आउट यायेत आपूर्तिकर्ता प्रवेश चरणय् जिमिगु सामाजिक जिम्मेवारी लेखापरीक्षणया आवश्यकतायात अप्वयेकागु खः । दच्छिया दुने जिमिसं ३२ म्ह न्हूपिं औपचारिक व अस्थायी आपूर्तिकर्तायात जिमिगु नेटवर्कय् दुथ्याका, अले सुरक्षा प्रदर्शनया चिउताःया कारणं निम्ह आपूर्तिकर्तायात प्रवेश यायेत अस्वीकार याना । थप आपूर्तिकर्ता भर्ना प्रक्रियाया निंतिं पहिचान जूगु सुरक्षा जोखिमयात बांलाक सम्बोधन व भिंकेत आपूर्तिकर्तातय्त इनाप याःगु खः ।

विदेशी आपूर्तिकर्ताया निंतिं जिमिसं जबरजस्ती श्रम, स्वास्थ्य व सुरक्षा, बालश्रम, पारिश्रमिक व सुविधा, ज्याया ई, विभेद, वातावरण संरक्षण व आतंकवाद प्रतिरोध थेंज्याःगु पक्षयात कःघानाः आपूर्तिकर्ता लेखापरीक्षण यायेत थर्ड पार्टी आपूर्तिकर्ता नियुक्त यानाच्वना ।

आःया आपूर्तिकर्तातय् गु दस्तावेज समीक्षा, अन-साइट निरीक्षण, व कर्मचारी अन्तर्वार्ताया माध्यमं नं मूल्यांकन याइ। २०२३ अक्टोबर निसें डिसेम्बरया दथुइ एक्सटेप कोर ब्राण्डं फुक्क प्रमुख गारमेन्ट व तयार उत्पादन आपूर्तिकर्तातय्गु वार्षिक मूल्यांकन याःगु खः, गुकिं झीगु कोर टियर १ आपूर्तिकर्तातय्गु ९०% स्वयां अप्वः कःघाःगु खः । सामान आपूर्ति याइपिनिगु टियर २ या निंतिं लेखापरीक्षण २०२४ स न्ह्याइ ।

एक्सटेप कोर ब्राण्डया ४७ टियर १ सप्लायरया लेखापरीक्षण याःगु खः, गुकी वसः, जुत्ता, कढाईया सामान उत्पादन याइपिं नं दुथ्याः । ३४% मूल्यांकन जूपिं आपूर्तिकर्तातय्सं जिमिगु आवश्यकता स्वयां अप्वः ज्या यात, धाःसा ४२% मापदण्ड पूवंकल व २३% जिमिगु अपेक्षा स्वयां म्हो प्रदर्शन यात । जिमिगु अपेक्षा पूवंके मफुगु आपूर्तिकर्ता अप्वःगुया मू कारण जिमिगु मूल्यांकन मापदण्डय् अपग्रेड जूगु खः, अले थुपिं आपूर्तिकर्ता मध्ये स्वम्हसित थप मूल्यांकन लिपा निलम्बन याःगु खः । जिमिगु अपेक्षा पूवंके मफुपिं ल्यं दुपिं आपूर्तिकर्तातय् त जुन २०२४ क्वचाये न्ह्यः सुधार लागू यायेत इनाप याःगु खः ।

न्हूगु ब्राण्डया निंतिं जिमिसं मुख्य रुपं मानव अधिकार व आतंकवाद विरोधय् केन्द्रित जुयाः फुटवेयर उत्पादनया वार्षिक थर्ड पार्टी अडिट यानाच्वना । जिमिसं दँय् दँसं मूल्यांकन प्रतिवेदन दयेके । छुं नं अनुपालन मजूगु पहिचान जूसा आपूर्तिकर्तालिसे छगू क्वःछिनातःगु ईया दुने सुधारया अपेक्षा यानातःगु खँल्हाबल्हा याइ । सुधारया उपायया प्रभावकारिता सुनिश्चित यायेत निक्वःगु लेखापरीक्षण याइगु व समूहया व्यवसायिक आवश्यकता व मापदण्ड पूवंके मफुपिं आपूर्तिकर्तातय्त समाप्त यायेफइगु व्यवस्था याःगु दु । २०२३ स, न्हूगु ब्राण्डया सकलें आपूर्तिकर्तातय् सं मूल्यांकन पास यात ।

आपूर्तिकर्ताया सामाजिक जिम्मेवारी मूल्यांकनया लिच्वःयात मूल्यांकन व लागू यायेगु मापदण्डयात थुकथं संक्षेपय् न्ह्यथनातःगु दु ।

वातावरणीय व सामाजिक प्रदर्शनया सम्बन्धय् समूहया अपेक्षा पूवंकेत आपूर्तिकर्तातय्त ग्वाहालि यायेत जिमिसं निरन्तर रुपं जिमिगु आपूर्तिकर्तालिसे इमिगु सीमितता थुइकेत व बांलाःगु ईएसजी प्रदर्शनया निंतिं आवश्यक सीप व ज्ञानं सुसज्जित यानाच्वना । थ्व संलग्नतां आपूर्ति श्रृंखलाय् सम्भावित वातावरणीय व सामाजिक जोखिमयात म्हसीकेत व म्हो यायेत नं सक्षम याइ।

दच्छिया दुने, जिमिसं जिमिगु मू ब्राण्डया लाकां व वसः आपूर्तिकर्ताया प्रतिनिधितय् निंतिं ईएसजी तालिम बिया । थुपिं सत्रय् मुक्कं ४५ म्ह आपूर्तिकर्ता प्रतिनिधितय्सं ब्वति काःगु खः, गन जिमिसं सामाजिक व वातावरणीय अभ्यासयात कयाः थःगु अपेक्षायात बः बियागु खःसा आपूर्ति श्रृंखला दिगोपनपाखे आपूर्तिकर्तातय्गु जागरणयात प्रमोट यानागु खः ।

थ्व बाहेक, जिमिसं जिमिगु विदेशी आपूर्तिकर्तातय् निंतिं ईएसजी विषयस नियमित तालिमया ग्वसाः ग्वयेगु निंतिं थर्ड पार्टी विज्ञतय्त संलग्न याना । थ्वयां अप्वः, जिमिसं जिमिगु न्हूगु ब्राण्डया न्हूपिं ज्याकःमितय् त भ्रष्टाचार विरोधी नीतिया बारे एकीकृत तालिम बिया । थुपिं फुक्कं तालिमया लिच्वः सन्तोषजनक जूगु खनेदत ।

झीगु उत्पादन प्रक्रियाया निंतिं गुणस्तर आश्वासन तसकं महत्वपूर्ण जुइ । जिमिगु उत्पादनया कडा गुणस्तर नियन्त्रण परीक्षण जुइ, गुकिं समूहया गुणस्तरया आवश्यकता पूवंकीगु सामान जक जिमिगु ग्राहकतय्त मीगु सुनिश्चित यायेत ग्वाहालि याइ । जिमिगु गुणस्तर नियन्त्रण पुचः गुणस्तर नियन्त्रण प्रक्रियाया निंतिं जिम्मेवार जुइ, गुकी आपूर्तिकर्ता गुणस्तर नियन्त्रण अप्वयेकेत नमूना परीक्षण व निरीक्षण नं दुथ्याइ ।

जिमिके मानकीकृत उत्पादन प्रक्रियापाखें थःगु हे उत्पादनया गुणस्तर सुनिश्चित यायेत आइएसओ९००१ प्रमाणित गुणस्तर व्यवस्थापन प्रणाली दु । अनुसन्धान व विकास चरणय् जिमिगु मापदण्ड पुचलं उत्पादन व सामग्रीया पूर्ण परीक्षण व प्रमाणीकरण यानाः जन उत्पादनया निंतिं उपयुक्त मापदण्ड विकास याइ । थुगुसी, जिमिसं वसःया कार्टन स्ट्याकिङ्ग व डाउन स्टोरेज अपरेशनया निंतिं न्हूगु ब्यवस्थापन विनिर्देश नं लागू याना । सन् २०२३ य् मापदण्ड पुचलं २२ गू वसःया गुणस्तर मापदण्ड (१४ गू उद्यम मापदण्ड फाइलिङ व ८ गू आन्तरिक नियन्त्रण मापदण्ड सहित) दयेकाः संशोधन याःगु खःसा ६ गू राष्ट्रिय वसः मापदण्डया मस्यौदा दयेकेगु व ३९ गू राष्ट्रिय मापदण्ड संशोधन यायेगु ज्याय् ब्वति काःगु खः, गुगु फुक्कं गुणस्तर व्यवस्थापन प्रणालीइ सुधार यायेगु उद्देश्यं खः ।

सन् २०२३ या सेप्टेम्बरय् एक्सटेपं फुटवेयरय् छ्यलीगु जाली सामग्रीया भौतिक रासायनिक परीक्षणयात बांलाकेगु निंतिं छगू सहलह सत्रया ग्वसाः ग्वःगु खः, गुकी जाली आपूर्तिकर्ता, प्राविधिक, उपठेकेदार, व तयार उत्पादन कारखानापाखें प्रतिनिधितय्गु ब्वति दुगु खः । न्हूगु सामान छ्यलेत माःगु विशेष खँय् सहलह जूगु खः । एक्सटेपं विकासया प्रारम्भिक डिजाइन चरणय् सम्भावित जोखिमया व्यापक मूल्यांकन व न्यूनीकरणया आवश्यकताया लिसें कच्चा पदार्थया ल्यज्या व प्रक्रिया संचालनय् परिष्करण यायेमाःगु आवश्यकतायात कयाः स्थापित प्रोटोकलया कडा पालन यायेमाःगु खँय् बः ब्यूगु खः ।

थुगु दँय्, एक्सटेपं थी थी संस्थापाखें उत्पादन गुणस्तरया मान्यता काःगु दु ।

• एक्सटेपया गुणस्तर व्यवस्थापन केन्द्रया निर्देशकयात “मानकीकरण ज्याय् उन्नत व्यक्ति” सम्मानित याःगु खः, गुकिं एक्सटेपया कापः व परिधान उद्योगया मापदण्डय् प्रवचन शक्ति अप्वयेकूगु खःसा ब्राण्डया प्रतिष्ठा नं अप्वयेकूगु खः ।
• फुजियान फाइबर इन्स्पेक्सन ब्यूरोया ग्वसालय् जूगु “फाइबर इन्स्पेक्सन कप” परीक्षण सीप कासाय् एक्सटेपया अपरेल टेस्टिङ सेन्टरं ब्वति काःगु खः । समूह ज्ञान धें धें बल्लाः कासाय् न्याम्ह परीक्षण इन्जिनियरतसें ब्वति कयाः न्हाप सिरपाः त्याकल ।

उत्पादन चरणय् गुणस्तर व्यवस्थापन पुचलं कच्चा पदार्थ व तयार उत्पादनया गुणस्तर व सुरक्षाया अनुगमन याइ । लिसें उत्पादन प्रक्रियाय् नियमित गुणस्तर नियन्त्रणया ज्याखँ नं याइ व झीगु आपूर्तिकर्तापाखें तयार जूगु उत्पादन ग्राहकयात थ्यंके न्ह्यः भौतिक व रासायनिक मापदण्ड पार जुइमा धकाः कडा उत्पादन गुणस्तर निरीक्षण याइ । थ्वयां अप्वः, एक्सटेपं थःगु टियर १ व टियर २ आपूर्तिकर्तातय् निंतिं लय् पतिकं नमूना परीक्षण याइ । कच्चा पदार्थ, चिप, व तयार उत्पादन हरेक त्रैमासिकय् राष्ट्रिय प्रमाणित थर्ड पार्टी प्रयोगशालाय् छ्वइ, गुकिलिं अन्तिम उत्पादन राष्ट्रिय मापदण्ड व उत्पादन गुणस्तर व सुरक्षा नियमनाप मिले जुइगु सुनिश्चित याइ।

उत्पादनया गुणस्तर सुधार यायेत समूहं डाउन ज्याकेट व जुत्ता थेंज्याःगु सामानया निंतिं विशेष गुणस्तर नियन्त्रण सर्कल नीस्वंगु खः, गुकिं विशिष्ट उत्पादन श्रेणीया निंतिं स्थिर गुणस्तर वृद्धि यायेत अनुमति ब्यूगु खः । थुगु पुचलं उत्पादनया गुणस्तर व आरामयात प्रवर्द्धन यायेगु नापं उत्पादनया मापदण्ड व परीक्षण पद्धतियात अनुकूलित यायेत प्रतिस्पर्धी उत्पादन विश्लेषण नं याइ ।

केस स्टडी

सन् २०२३ य् जिमिसं ISO9001 क्वालिटी सिस्टम म्यानेजर तालिम शिविरया ग्वसाः ग्वःगु खः, गन फुक्क ५१ म्ह सहभागीपिन्सं मूल्यांकन पास यानाः “गुणवत्ता व्यवस्थापन प्रणाली — आन्तरिक क्यूएमएस लेखापरीक्षक प्रमाणपत्र” लःल्हाःगु खः ।

थ्व पुचलं आउटसोर्स उत्पादनया निंतिं कडा गुणस्तर नियन्त्रण प्रक्रिया नं लागू याइ, व उचित गुणस्तर व्यवस्थापन सुनिश्चित यायेत मासिक गुणस्तर समीक्षा बैठक नं याइ। जिमिसं उत्पादन गुणस्तर व्यवस्थापनय् जिमि कर्मचारीतय्गु क्षमता निरन्तर रुपं अप्वयेकाच्वना, अले माइक्रोप्याकं बिउगु एन्टी मोल्ड उपाय तालिम व सात्रापाखें बिउगु परीक्षण प्रक्रिया तालिम थेंज्याःगु तालिमय् ब्वति कायेत जिमिगु कर्मचारीतय्त ग्वाहालि यानाच्वना । सन् २०२३ य् उत्पादनया गुणस्तर व निर्माण प्रक्रियाय् सुधार यायेत के·स्विस व प्यालेडियमं स्वचालित स्क्रीन-प्रिन्टिङ मेसिन, लेजर मेसिन, उच्च गुणस्तरया कम्प्युटरीकृत स्वचालित थ्रेडिङ मेसिन, कम्प्युटरीकृत सिलेगु मेसिन, डिजिटल प्रिन्टिङ, व मेमेगु उपकरण व प्रविधित न्ह्यब्वःगु खःसा पूर्ण रुपं एसेम्बली लाइनको-फ्रेण्डली नं लागू याःगु खः ।

झी ग्राहकतय्गु प्रतिक्रियाया बारे जानकारी कायेत झीगु बिक्री विभागं झीगु आपूर्ति श्रृंखला व्यवस्थापन विभागलिसे वाःपतिकं सहलह याइ व झीगु गुणस्तर व्यवस्थापन पुचलं बजारया प्रवृत्ति व ग्राहकया आवश्यकता थुइकेत भौतिक स्टोरय् वनी ।

जिमिसं पुचःया समग्र उत्पादन गुणस्तरयात प्रवर्द्धन यायेत गुणस्तर नियन्त्रण व ब्यवस्थापन क्षमता दयेकेगु निंतिं जिमिगु आपूर्तिकर्तायात सक्रिय रुपं ग्वाहालि यानाच्वना । जिमिसं बाह्य सहकारी आपूर्तिकर्ता व प्रयोगशालाया कर्मचारीपिन्त परीक्षण ज्ञान व व्यावसायिक सीप वृद्धि सम्बन्धी तालिम बियागु दु, वयां लिपा मूल्यांकन व प्रमाणपत्र बियागु दु । थुकिं झीगु आपूर्तिकर्तातय्गु गुणस्तर व्यवस्थापन प्रणालीइ सुधार यायेत ग्वाहालि यात व सन् २०२३ या अन्त्यतक ३३ आपूर्तिकर्ता प्रयोगशाला प्रमाणित जूगु खः, गुकिं वसः, मुद्रण, सामग्री, व सामान आपूर्तिकर्तातय्त कःघाःगु दु ।

जिमिसं आपूर्ति श्रृंखला गुणस्तरय् आत्म-नियमनयात बल्लाकेत, उत्पादनया मापदण्डय् सुधार यायेत, व लाभदायक आपूर्ति श्रृंखला वृद्धियात ग्वाहालि यायेत टियर १ व टियर २ आपूर्तिकर्तातय्त एफक्यूसी/आईक्यूसी प्रमाणीकरण तालिम बियागु खः । थ्व बाहेक जिमिसं परिधानया गुणस्तर मापदण्डया बारे १७ गू तालिमया ग्वसाः ग्वःगु खः, गुकी २८० म्ह आन्तरिक व बाह्य आपूर्तिकर्ता प्रतिनिधितय्त दुथ्याकागु खः ।

एक्सटेपय् जिमिसं उपभोक्तायात न्हापां तयेगु दृष्टिकोण नाला, जिमि ग्राहकलिसे खुल्ला संचार सुनिश्चित यानाः इमिगु आवश्यकता पूवंकेगु । जिमिसं व्यवस्थित रुपं समाधानया ई निर्धारण यानाः, प्रगतिया अनुगमन यानाः, व ग्राहक सन्तुष्टि अप्वयेकेत आपसी सहमति समाधानया निंतिं ज्या यानाः उजुरीयात संचालन यानाच्वना ।

जिमिसं उत्पादन लित कायेगु व गुणस्तरया खँया निंतिं प्रोटोकल स्थापित यानागु दु । उल्लेखनीय रिकल जुइगु अवस्थाय् झीगु गुणस्तर व्यवस्थापन केन्द्रं बांलाक अनुसन्धान याइ, निष्कर्ष वरिष्ठ व्यवस्थापनयात रिपोर्ट याइ, अले भविष्यय् जुइगु घटनायात पनेगु निंतिं सुधारात्मक कारबाही याइ । २०२३ स, स्वास्थ्य बाय् सुरक्षाया चिउताःया हुनिं जिमिके छुं नं उल्लेखनीय रिकाल मदु । जिमिसं ग्राहकतय्त स्थानीय उत्पादनया बिक्रीया मर्मत, प्रतिस्थापन, वा लित बीगु आश्वासन बियाच्वना, अले एक्सटेप कोर ब्राण्डं छगू बल्लाःगु उत्पादन लित बीगु ज्याझ्वः लागू याःगु दु, जिमिगु व्यापक लित बीगु व विनिमय नीतिं पुलांगु उत्पादनयात बिना शर्त स्वीकार यायेत अनुमति बियाच्वंगु दु ।

जिमिगु समर्पित “४०० हटलाइन” ग्राहकया गुनासोया निंतिं न्हापांगु स्वापूया बिन्दु खः । उजुरीत रेकर्ड, प्रमाणित, व सामान्यतया २ व्यावसायिक न्हि दुने प्रतिक्रिया बी, विशिष्ट स्रोतत व्यक्तिगत मुद्दायात सम्बोधन यायेत आरक्षित जुइ गुकिलिं जटिल प्रकृतिया जुइ। सन् २०२३ य् “४०० हटलाइन”पाखें वःगु उजुरीया ल्याः ४७५५६ जूगु खः । जिमिसं ग्राहक सन्तुष्टि मापन यायेत मासिक कलब्याक नं यानाच्वनागु दु व सकल “४०० हटलाइन” प्रयोगकर्तातय्गु प्रतिक्रिया आह्वान यानाच्वनागु दु । २०२३ स, जिमिसं ९२.८८% सन्तुष्टि दर प्राप्त याना, गुगु मू लक्ष्य ९०% स्वयां अप्वः खः ।

^६ दच्छिया दुने उत्पादनया बिक्री अप्वःगुलिं ग्राहकया उजुरीइ उल्लेखनीय वृद्धि जूगु दु । न्ह्याथेसां, २०२२ या तुलनाय् मुक्कं न्यनेकनेया उजुरिया अनुपात म्ह्व जूगु दु ।